! سر المكالمه الغامضه

في صباح يوم الاربعاء 10/9/2008 رن هاتف المنزل

ظهر علي الشاشه رقم غريب من مدينه شبين الكوم لا اعرفه فاجبت علي الهاتف فاذا علي الطرف الآخر صوت شاب في منتصف

العشرينات من عمره و يبدو انه يتكلم من كابينه عامه واستنتجت ذلك من اصوات الضجيج من حوله و دار هذا الحوار القصير
انا : الو
الشاب : ايوه سلامو عليكم
انا : و عليكم السلام و رحمه الله و بركاته
الشاب : ممكن اكلم الاستاذ / محمد فرج
انا : ايوه انا محمد
الشاب : انا عايز اقولك علي حاجه
انا : اتفضل انا تحت امرك
الشاب : فيه موضوع منشور عنك في جريده
انا : "مقاطعاً" موضوع ايه و في جريده ايه
الشاب : "باقتضاب" يعني مش عارف
انا : "مقاطعاً" مضوع ايه و في جريده ايه
وهنا اغلق الهاتف مع صوت ضحكات عاليه
و علي الفور عاودت الاتصال بالرقم فاذا بالرساله المسجله تقول " هذا الرقم طالب فقط"
يعني كما توقعت كابينه عامه و هنا بدا الشك يساورنى هل هذ ا الشاب يمزح ام ماذا و لكن ده يبقي هزار تقيل قوي و كمان في نهار رمضان و الناس صايمين و الشياطين مسلسله
لكنه يعرفني و خاطبني ياسمى توترت بطريقه فظيعه ماذا افعل ؟
و ظهرت مئات التساؤلات امامى هل من الممكن ان يُفبرك موضوع في جريده او مجله عني
نعم فكل شيء في هذا الزمان ممكن و جائز في ظل طغيان اصحاب النفوس الضعيفه و منعدمي الضمائر في كل مكان
ماذا افعل !!
هدانى تفكيري للاتصال بزميله صحفيه متخصصه في الحوادث اسمها " نيفين الفقي" من مركز الباجور
و شرحت لها ما حدث فاجابت بمنتهى الهدوء الذي تُحسد عليه كبر كبر ده اكيد حد بيهزر معاك و كانها تعرف شييء و تريد اخفائه عنى بالطبع صدمتنى عباراتها
طب اشمعنى انا بالذات و واحد عارف اسمي كمان يعني قاصد الكلام اللي بيقوله المهم لم احصل منها علي عقاد نافع فشكرتها و انهيت المكالمه مع عباره ابقي طمني مما يدل علي انها تخفى شييء ما و هنا احب ان اقول ان في هذا الزمان كل شييء ليس في الحسبان يحدث
و اطلب منكم يا اصدقائى الطيبين في هذه الايام المباركه امدادي بأى معلومات عن هذا الموضوع حتي اقطع الشك باليقين
هل فعلاً نُشر موضوع صحفي عني في جريده او مجله و حتماً سيكون موضوع مُفبرك من وحي خيال كاتبه المريض و منتمي بلا شك لحزب اعداء النجاح و حزب اعداء الانسانيه ام انه مجرد مزاح ثقيل
فمن لديه ايه معلومات الرجا الاتصال بي عبر الوسائل الآتيه
الايميل : modylive2004@yahoo.com
ولكم منى جزيل الشكر
اخوكم : محمد فرج على

عيد ميلاد سعيد

النهارده عيد ميلادي و قبل ما اي حد يقولي كل سنه وانت طيب انا باقولها لنفسي

الاهلي بطل كأس مصر 2007

توج النادي الاهلي بطلا لكأس مصر ال 80 بعد فوزه علي مركز شباب ميت عقبة في القمه رقم 100 باربعه اهداف مزيكا للمتعب عماد متعب و الفنان محمد ابو تريكه والموهوب اسامه حسني
مبروك البطوله رقم 13 للاهلي مع المدرب العالمي مانويل جوزيه
والبطوله رقم 101 في مئويه الاهلي
والي اللقاء في كاس السوبر يا ولاد ميت عقبه ومهزومين ان شاء الله

وداعاً 2006

مع السلامه
! يا عام ما كانش فيك سلامه
يا سنه و كانت سوده
!!! بس عدت
! يا عام مهبب
يا ميت ندامه
قلبى بيبكي فراقك
عشان دموعنا
تهدى القلوب
ما شفنا فيك
يوم كان حنين
يوم كان أمين
و توهتنا الليالي
!! وياك سنين
أوعاك تقرب
!! أو تيجي تاني
أخوك هيجي بعد ساعات
أهلاً وسهلاً مرحبا

بس يا ريت

تمحى اللى فات

أصل الألم لسه بيصرخ

حقنا مهضوم

و كلامنا مش مفهوم

و صوتنا ليه مش واصل

و الأسوار حايشانا

مرحب مراحب

يا عام وجى

بالوعد والمكتوب

يا ريت تكون

حنين علينا

تحقق أحلامنا و أمانينا

و ترجع البسمه لينا

يمكن أكون موهوم

لكن

الأمل جوايا بقاله سنين

ويمكن يظهر السنه ديه

مع طلعة شمس يناير جايه

شوية معلومات عنى

لكل الاصدقاء والصديقات

لكل من يريد الاتصال بي

للصداقه

للتعارف

لابداء رأى

أرحب بكم

علي الايميل

modylive2004@yahoo.com

كل يوم

مع خالص محبتي

مبروك يا اهلي

مبروك لمصر وكل المصريين حصول الاهلي علي المركز التالت في بطولة العالم للانديه بعد فوزه علي كلوب امريكا 2 - 1 بهدفين للفنان ابو تريكه والي الامام دائما يا اهلي

مين أنا ؟

أنا محمد فرج علي صاحب مدونة " دنيا الكلام " و مدونة " خطوات " هي تاني خطوه ليا في دنيا المدونات و سأقوم في الخطوه التاليه بنقل بعض البوستس من مدونة دنيا الكلام الي هذه المدونه وستقتصر مدونة دنيا الكلام علي انتاجي الأدبي من الأشعار والخواطر و القصص القصيره اما هذه المدونه ستضم العديد من الموضوعات الاخري مثل المواقف و الآراء الشخصيه و التعليق علي بعض الاحداث الجاريه السياسيه والاجتماعيه والرياضيه وغيرها

عنوان

مدونة

"دنيا الكلام"

http://doniaelkalam.blogspot.com

تعالوا زورونا

خطوات

الحياه عبارة عن شوية خطوات

خطوة تقدمك

و خطوة ترجعك

خطوة تطلعك لسابع سما

وخطوة تنزلك لسابع أرض

وهكذا

دواليك

خطوات

كُتبت علينا

تسمي

حياه